søndag 14. september 2014

Heilt fantastisk og heilt forferdeleg...

Onsdag 10. september var det lansering av boka mi i Kristiansand. Eg var veldig spent på førehand om det i heile tatt kom nokon. Folk er så travle. Kven har tid til å gjere noko heilt anna ein onsdag kl 19? Det er lurt å ta sorgene på forskudd, for viss ikkje kan ein faktisk risikere å gå glipp av dei.

Mi gode venninne Inger hadde pynta så fint. Temaet var strikk og haust. På blada hadde ho skrive strikkomgrep og fine ord.
Me hadde tinga kjellaren på Hos naboen i Markens og det viste seg å vere midt i blinken.  Det kom mange og eg vart overvelda at det både kom kjende og ukjende. Kom gjorde også Nøstemor Jannecke Riisøen og ho fortalte litt om ullgarnet til Nøstebarn. Eg fekk turtrøyer og longs og det er fordi ho veit at dette er mine favorittplagg på treningstur.
 
Jannecke snakka om ull og var sjølvsagt kledd i ull.
 Frå Samlaget kom min fagredaktør Cecilie og sals- og marknadsjef Siri.  Dei hadde med blomar og sa så mykje fint, som eg burde tatt opp og høyrt på dagar eg ikkje er så ”oppe-sen”. Dei hadde med Strikk til nøstebarn som var kome rykande fersk frå trykkeriet i pocket. Det er 6. opplag!

Spesielt å sjå Strikk til nøstebarn i pocket. Prisen på denne vert 199,-
Eg våga meg og å sei nokre ord. Fortalte litt om prosessen og gjekk særleg inn på utfordingane. Kanskje rart å fokusere på problema ein slik kveld, men eg trur at det er nettopp i det vanskelege spennande ting skjer. Det kjennes ikkje slik når ein held på, men i etterkant ser eg det heilt klart.

Ingebjørg og Mina gav alle som kom eit lodd og så hadde me trekning av bøker og garn på slutten av kvelden.

Eg prata litt om at det å lage og gi ut bok er heilt fantastisk og heilt forderdeleg. Fantastisk å kome i mål, få tilbakemeldingar, høyre folk er i gong med å strikke og sjå boka ligge i bokhandelen. Heilt forferdeleg fordi eg er så redd for at det skal vere fatale feil, at ikkje boka skal felle i smak og at nokon i det heile tatt skal meine noko om mi bok og mine design. Skummelt.
Så hadde eg med litt strikkeinspirasjon og fortalde litt om bakgrunnen for nokre av modellane. Kufta frå Sunnhordland hadde eg med i to nye versjonar og dei skal de snart få sjå på innlegg her på bloggen.
 
Her ligg eg mellom Arne & Carlos og Skappel.

Akkurat no kjennes det godt. Takknemleg for alle som kom og for at kvelden vart så fin. Mange har sendt meg fine ord og boka har seldt så godt at nytt opplag er allerede på veg. 
Så dagen derpå gjekk eg gjennom alle feil eg og andre har funne, og sendte korrektur til Samlaget. (Ja det er forferdeleg med feil, men det er visst ikkje mulig å lage strikkebok uten ?) Men tenk at boka kjem i 2.opplag. 10 000 trykte eksemplar.  DET er heilt fantastisk.

Sjå fana som ligg øvst her på bloggen: Rettingar. Her kjem eg til å oppdatere etter kvart når/dersom det dukkar opp fleire feil.





Ønsker dykk alle ei fin strikkveke. Eg held på med hekla tunika. Nokon andre som vil dele kva dei har på pinnane/heklekroken?

6 kommentarer:

  1. "Strikk meir til nøstebarn" er en fantastisk bra bok!! :-) Jeg venter på garn til "trimgenseren" og "snurreskjørtet", inntil videre har jeg ei lue på pinnene!

    SvarSlett
  2. Nettopp ferdig med siste finish på et snurreskjørt (til fireåringens store glede, hun ble superfornøyd og har lagt inn bestilling på flere!;) - nå skal jeg gjøre ferdig en jakke. Tror jeg - hvis ikke noe nytt frister mer. (Snurreskjørtet kan du se her, hvis du har lyst: http://tovrange.blogspot.no/2014/09/skjrt-med-snurr.html )

    SvarSlett
  3. Denne kommentaren har blitt fjernet av forfatteren.

    SvarSlett
  4. Her varieres det mellom to gensere til Minsten, en McDreamy-genser fra Drops og en Bestefarstrøye fra "Strikk til nøstebarn", sistnevnte oppskrift ble også brukt i fjor, da i størrelse 2 år. Bestefarstrøya var gjennom forrige høst, vinter og vår favoritten, perfekt under regntøy, over den tynne ullgenseren og som utegenser kjølige maimorgener. En litt vimsete strikkemor hadde ikke fått med seg korrekturen til oppskriften, så finishen ble litt improvisert��

    SvarSlett
  5. Upps.. no har eg visst klart å fjerne innlegget mitt, to vrange. Skjørtet du strikka vart fint. Håpar det kan verta snurra mykje.

    Bestefartrøya er ein av mine favorittar og, fru furie. Hadde mange til eldstemann, men så ville ho heller ha jakke. Så då strikka svigermor "bestefartrøyejakke" og det blei veldig bra. No er den i bruk hos minstemann.

    SvarSlett
  6. Gambling and gaming at MGM - JTHub
    Gambling and gaming 강릉 출장샵 at 세종특별자치 출장마사지 MGM. 7.9.0 The 보령 출장마사지 resort's 3,750-square-foot casino offers all the excitement of Las 제천 출장마사지 Vegas' newest 삼척 출장샵 casino resort

    SvarSlett